Lewlewal Group Networks (LGN) ||| kabaruuji Fuuta e Winndere |||
| SIPPIRO: Lammba Duungel arii faabaade jaŋde |
E nder ɗuum, ɓesngu Duungel ina fiya lammba ñande 09 e 10 Awriil , tawi ko e innde araaraay mbir mawɗo biyeteeɗo Hammadi Wuuri Gay, jeyaaɗo to Duungel. E nder heen sippirlooji mawɗi maa mbaɗ toon kono ko ɓuri teskin;de ko ko hakkunde: Hakkunde Boo Toksel laaɓa juuɗe to Gede e Aamadu Dummbiya mo Ngijiloñ; Hakkunde Aali Sal to Daande Geloonga e Usu Bah to Jowol Saare; Sammbayal Joob to Gede e Muusaa Alfaa Njaay to Wudduru; Hakkunde Baylaa Maar to Ceenel Saahooɓe e Garɗo ko Kootoowo to Ngijiloñ. Mbiruuji ɗii fof hannde ndaaŋanii Duungel e duuso fiyooɓe bawɗi ŋanaa anndaaɓe e nder fuuta hono Saada Goli Njaay, Mammadu Seydoo Caame Usmaan Sammba Gay. Jogori ñaawde lammba ka ko Sammba Moodi Gay. Laamu Senegaal maa tawtore sabu jogori udditde lammba ka ko jaagorɗo njulaagu hono Aamadu Ñaŋ e dow teddungal Haamiidu Kanel (gonnooɗo mbir liɓoowo), Laamina Keytaa, Haaruuna Maamadi (ɓee tato fof ko mbiruuji mawɗi ngonnoo hade mawngu) Hammadi Wuuri Gay noon woniino mbir mawɗo e nder leydi Senegal hade makko ɗannaade fayde Amerik. O nawiino araaraay sippiro Senegaal e 1965 to dingiral Madiina Kunndaa to Faas. Haa no o woppi sippiro nih, ko kanko tan heewnoo rawde araaraay sippiro ganni e kala ɗo so sippiraa. Binndol Abuu Gay, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
to to6 iwri fof yoyuus