LGN 13/04 Duuɓi 4 nguurndam e gollal rajo haayre laaw waɗii finnde to Brooklyn e nder New York e dow gardagol Hammel Tuure oo talaata 12 April 2011. Rajo Haayre Fulɓe International yuɓɓinii jemma weltaare e dow teddungal pulaagu New York e gure catiiɗe ɗum. Yimɓe ngummiima haa e gure catiiɗe, won heen noddi ɓeya nuldi balle mum en gila Sidney haa Misouri. Ko ɓurnoo teskin’de ko goomu mawɗo gummiiɗe Filaa e gardagol Gerngal Njaay e goomu Baltimore (327 kiloo) e gardagol Aamadu Sammba Daat, ngam nootaade jemma oo.

Jemma oo e njenngude fof, o waɗii faayiida haa ko ina wiyaa o mo jeyaa e jemmaaji pulaagu ɓurɗi welde e teeyde e nder filla New York. O fuɗɗorii ko njettoor Rajo Haayre fayde e pelle toŋtuɗe ɗum e oo jemma haa arti e Uwa Law Group, Lewlewal Group Networks, BHS (Booñ Koɗki mo Senegaal), Fuuta Business Solutions, Franklin & Fulton Services e Kisal Shipping.

Caggal ɗuum, Haayre heɓtinii golle kaantorɗe sukaaɓe mum tato jogiiɓe yoga e golle rajo ngo. Mo woni e maɓɓe fof hono Maamuudu Urlaa Lih, Mustafa Saalif Baro e Alkaasum Lih dañii golle e katantaagal mum heɓtineede e yeeso fasɓe kala.

Jibril Ngaawa Bah, naalanke karallo hollii toon ñeni mum (nate maandinooje ko heewi ko yowitii e pinal kañum e aduna).

Jemma oo duusiraa ko cipi doŋ-doŋ kunnguɗi belɗi ngenndiyankooɓe hono Seek Faal, Aliw Ngayde, Hammel Tuure, Mustafa Baro, Mansuur Kan, Farba Sek en e yoga mawɓe New York gila e seernaaɓe haa e reenɓe jaŋde toownde. Mo woni fof addii heen ballal mum to hirjino, ngalu e seedtaade darnde moƴƴere nder rajo Haayre Laaw darii. Ngoo duuso noon waɗi ko e les njimri e gaaci belɗi Geelel Sanngoot jirwinɗo yeewtere nde haa amni mawɓe ɓe jummbe mumen meeɗaani yiyeede e dente; hay ɓe ngonaa subalɓe cakkitii ko sappaade nde Geelel rewi e pelol Gellaay Aaali Faal o woppaani.

Pelle keewɗo ko wayi no Pulaar Speaking, ASA (fedde Senegaal-naaɓe caggal leydi), APR-Yaakaar ngarii e tawtoreede e hollude ballal mum en.

E siftin’de Haayre Laaw Fulɓe International ko rajo lulluŋaawol (Internet) fuɗɗiingo e nder 2007. Gollotooɓe maggo ko ɓuri heen heewde ko ɗanniyankooɓe yiɗɓe addude ballal mum’en e ŋakkere rajooji e nder dente fulɓe haa teeŋti noon e caggal leydi. Hannde rajo ngoo ina heɓtinaa caggal fiilo ɗanniyankooɓe tan sabu e ngo jeyaa e ɓurɗi heɗeede e rajooji fulɓe hay haa e nder Afrik.

Binndol Umaar Tokosel Bah, nulaaɗo dariiɗo Lewlewal Group Networks, www.mbiimi.com to New York

• Add New
• Search

Comments (4)

• 2011-04-14 23:10:27 | Amadou tall

  Yoo Allah won ballo njokkee golle haa Allah addana en rajo mbiimi com ngoo ne taw ko e nder Ndakaaru hee tigi ngo joɗi

  • 0
  • 0

  ReplyQuote

• 2011-04-19 20:12:28 | gelongal gamadji

  so tawi rajo haayre laaw wadi di nalmaaji ina tiijono sabu rajo hare ko fuuntankoobe tigi goniiton en beltiimi yo jutt booya yalla on jaaraam gelongal gamadji jubbiniiwo e rajo bambilor fm kala samdi 10 H 12 towo yewteere men betawe pulaagu

  • 0
  • 0

  ReplyQuote

• 2011-07-13 01:22:40 | | Louboutin  - Louboutin

  Louboutin , christian louboutin , christian louboutin shoes , christian louboutin sale , louboutin , christian louboutin , christian louboutin shoes , christian louboutin sale , louboutin , christian louboutin , christian louboutin uk , christian louboutin shoes , christian louboutin sale , chaussures , chaussure , chaussures pas cher , chaussure pas cher , chuassures nike , chaussure nike , air max , air max 9...

  • 0
  • 0

  ReplyQuote

• 2011-10-21 02:18:42 | Abdulai Jalloh

  mi do yidi janngungol

  • 0
  • 1

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom