Lewlewal Group Networks (LGN) ||| kabaruuji Fuuta e Winndere |||
 Roɓindo jaayndeeji Mali: Basiir Sinuun arnoo ko tineede; boy laawii nay |
| Roɓindo jaayndeeji Muritani: Ndaw cariindi e Muritani! |
| Roɓindo jaayndeeji Mali: Suɓngooji hooreejo Mali 2011 mbaƴƴinii barmeeji, kono dorog .... |
| Roɓindo Jaayndeeji Mali: Hakkunde nguyka cefe na’i e ruuɗo ATT |
| Roɓindo Jaayndeeji 16 Ut 2011: doggol woote wolla luuru-laaree sarɗiiji? |
| Written by Mammadu Sammba Kah on Tuesday, 16 August 2011 00:22 |
Hurmii gila talaata fecci jamma ! Binnditagol e doggi suɓatooɓe ɗii dartiima caggal nde ɓeydaa laabi ɗiɗi. Ndeen ne dey won ɗaɓɓitnooɓe ɓeydaneede lajal ngal ko wayi no fedde wiyeteende « y en a marre ». jaaynde Le Quotidien ni, yiyi ko darnde maɓɓe woni sabaabu ha e ñalawma battindiiɗo oo, yimɓe ina ƴiiñondira e goomuuji binnditagol ɗii. Fedde ndee ni haaɗaani ɗoon tawde kay ɓe njahii haa to ñiiɓirde jaagorɗo kalfinaaɗo suɓngooji oo ngam ɗaɓɓitde e mum ɓeydugol lajal ngal. Hay so ɓe njiyaani jaagorɗo oo hono Sheek Gey, haɗataa kam ɓe ngoppii toon tonngol miijo maɓɓe e ñaagaade ɓeydugol balɗe 45 goɗɗe. E ko jaaynde La sentinelle habri, garaangal maɓɓe toon e ñiiɓirde jaagorgal ngal ɓe nanaani heen bismilla. Ko ɗuum Sud Quotidien wiyata Sheek Gey ɗuurniima fedde « y en a marre » ndee. E binndol Walfadjri, Senegaalnaaɓe heewɓe ngoppaama e haame sabu ronkude winndaade. Jaaynde Le Populaire heddii e haalde suɓngooji garooji, kono udditi hello woɗngo. E tiitoonde arwannde jaaynde ndee: idiriis Sek suɓiima Aminata Taal ngam ardinde ɗum kampaañ mum. Idiris Sek ko kañum jaaynde Walfadjri finiri inde habri wonde o yahiino hanki (talaata) juuroyaade Beeco Cuun. Kono jaaynde nde ina jeertina « Beeco Cuun wiyaani tawo koko nannganta Idiriis dee ». E ko feewti e jeyegol makko e suɓngooji ɗii, L’Observateur wiyi ko Abdullaay Wade fawi yaakaare mum ko e Goomu njuurnittoongu nguu wiyoyde ɗum « alaa ko waawi heen » L’Observateur habri e ko sunnii e sirlu galle laamorgo oo habri ko ɗum waɗi wondiiɓe Wade ɓee tiiiɗde hoore nde naŋtii e feere ɗiɗmere ina woodi. ‘’ Abdullaay Wade fawii ko e winndannde won e annduɓe sariya wiyɓe njiyaani ɗo Goomu sarɗiiji dowrowi ɗii jogii mbaawka riiwtude Wade e suɓngooji 2012’’. Jaaynde L’As yahdi e Abdullaay Wade e njillu mum to Bannjuul. Jaaynde ndee suɓii tiitoonde « cuuɗiindi njillu » : fitina Kaasamaas oo, senegaalnaaɓe sokaaɓe e kasooji Gammbi, Gammbinaaɓe dogɓe naati Senegaal ina jeyaa e toɓɓe ɗe ɓe njeewtidi. Jaaynde ndee tonngi : ardiiɓe leyɗele ɗiɗi ɗee piɓondirii ɗo tiiɗi. So ñawu fuɗɗoriima cafroowo ari ko duumaade. Jaaynde Le Pays habrii Galle mawɗo ñaawooɓe oo yanaama etee won defte keewɗe ngujjaa toon, defte mooftuɗi sirlu. Kono loskoooɓe ɓee naniraani ɗum jam, nani ndarii ha tiiɗi ngam fawde njungo e baɗɗo ɗum oo. Binndol Mammadu Sammba Kah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
