Lewlewal Group Networks (LGN) ||| kabaruuji Fuuta e Winndere |||
| PINAL: Deftere e nguurndam Umaar Ben Sayiid (pullo dahanooɗo) |
| Written by Umaar Tokosel Bah on Thursday, 03 November 2011 12:29 |
Umaar Ben Sayiid ko pullo, joom diine jeyanooɗo e nder Fuuta Tooro mo laamu tuubakiri dahnoo balɗe 4 hade Abriham Lincoln siifde sarɗi kaɗtuɗo julawu maccungaagu e nder Amerik no diidorinoo (The proclamation of Emancipation). Umaar Ben Sayiid jibinaa ko e hitaane 1707 to Fuuta Tooro, o saŋkii ko e hitaande 1864 e nder dowla North Carolina e nder dowlaaji dennduɗi Amerik tawii o mo yahra ko e duuɓi 94 tawii hari ngam taƴde callalle maccungaangu (civil war) nana gasa kono o meeɗaani taweede oon ñalawma. Ko toon yanaande makko woni e nder ladde North Carolina; etee o accaani ɓiɗɗo.
Sabu dimo makko tuubaako teskaade e makko ganndal e mbaawka binndi arab e ajami e oon sahaa mo binndi mbeɓaani, oon hokki mo fartaŋŋe waasde liggaade golle muusɗo kañum e jokkude binndi makko e jaŋde e jaŋngin'de. Umaar Ben Sayiid ko noon wuurdi e nder maccungaaji haa nde o saŋkii kono omo jeyaa e seeɗa dahanooɓe ɓe meeɗaani woppude diine Islaam. Umaar Ben Sayiid jaŋnginanno diine Islaam. Sabu makko waasde jogaade deftere Qur'aan nde o dahetee nde, nde o yettii Amerik, o winditi deftere ndee fof e yowitaade e kuñagol makko Qur'aan o. Hannde ndeen deftere ina woodi nde o winditori juŋngo makko (natal ngal nani ɗo) etee hay iwdi makko e filla (taariik) makko o winndii e ajami. Ko e nder duuɓi cakkitiiɗi Dr Ala Deftere nde kañum e film (bannda video) bayyinoowo nguurngam makko yaltii to suudu pinal ɓurndu teeŋtude e mooftugol pine ɓaleeɓe to Amerik, hono New York Shomburg Library. Dr Ala winndidi deftere nde ko e Dr. Syllivan Juuf (nate maɓɓe e wondude e Dr Hamme Watt, gooto e fuutaŋkooɓe daraniiɓe pinal fulɓe e nder Amerik). Nde yalti ko e muulngo University of Wisconsin Press, 2011. Hade mum maayde tawii Umaar Ben Sayiid ko ganndo mawɗo hiisa, jaŋnginoowo diine Islaam kadi ko julaŋkaagal o waɗtindori. Ko e korsa mawɗo maccinnooɗo mo oo o wonnoo sabu oon tawii toŋngitiimo e waɗde kala ko o yiɗi. Video seeɗa e nguurndam makko nani ɗo. Binndol Umaar Tokosel Bah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
yiyti deftere makko nde e nder njeeygu luumo kala ko yowitii e pinal ngal julaŋkooɓe Israayiilnaɓe mbaɗatnoo; ko ndeen o soodi deftere nde haa ɗum tagi mo ummanaade wiɗtude nguurndam Umaar Ben Sayiid.
