Lewlewal Group Networks (LGN) ||| kabaruuji Fuuta e Winndere |||
 KODDUWAAR : Kooniŋkooɓe farayse ngartirii Senegaal-naaɓe toobɓe |
| TOSTAAN: Njelaari, kaddungal rewɓe, dewgal waawnere... yeewtere peñcu |
| ROOSO BEECO (SENEGAAL) : Fulɓe aynaaɓe 14 nanngaama |
| Rok Mbalak : Ñaawoore bonnii dewgal Demmba Jah |
| Written by Isaaga Jallo on Wednesday, 11 January 2012 17:10 |
Hajjaa Sih, lemmbel Demmba Jah Rok Mbalak tikkii woppaani gila hare hakkunde makko e jeewo gallo hono Ayda Joŋ haa ceergal arii heen. E oo talaata hanki, suudu Ñaawirdu Ndakaaru firtii dewgal hakkunde Hajjaa e Demmba e dow diisoore (plainte) Hajjaa oo e hoore mum. E ciftoor, Hajjaa Sih tuumiino jeewo galle hono Ayda Joŋ dabaruuji kaɗɗi mo jibin’de kañum e nelde galle makko yimɓe ngam huuñitaade ko o waɗata sabu yiɗde anndude yillotooɓe Hajjaa. Caggal ɗuum noon ɓe kaɓiino haa ɓe njettoyii polis e lewru octobre 2011 he. Gila ndeen noon Hajjaa kañum ko pellitnooɗo ñaagaade daande mum haa yettoyii to Ñaawirdu Ndakaaru. Hannde noon dewgal makko e Demmba Jah taƴii haa laaɓi caggal duuɓi 14 dewgal. Ngaal ceergal noon ari ko e balɗe tati caggal nde Demmba Jah tuumaa ina jogii tebbaa (suka) keso biyeteeɗo Faatim O, liggotooɗo to RFM. E ko jaayɗe kañum e ko polis holliri, Demmba ƴettaniino Faatim suudi to Hotel Ambassades maa won jonte. Sirlu oo saaktii ko caggal nde Faatim yalti suudu ndu tawii Demmba joɓaani ko ɓe ndewetenoo ko ina tolnoo e 2.8 miliyon fcfa. Binndol Isaaga Jallo, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN 
