Lewlewal Group Networks (LGN) ||| kabaruuji Fuuta e Winndere |||
 APR : Sukaaɓe lannde Makki Sal kaɗaama seppude |
| Dawrugol Senegaal : Ñande jañnde moni kala ko gorko |
 |
 |
 |
| Kabaruuji | Dawrugol |
Yonti, caggal nde Wadd laamii haa gasni ko rokkanoo, jooni kuule mbaɗi ko yo ɓamte. Kono e ko heewɓe njahdi Wadd fotaani jeyeede boom e ɗiiɗoo suɓngooji ; sibu o laamiima laabi ɗiɗi ; gila hitaande 2000, o fiiltaa kadi e hitaande 2007. Ko ɗum addi pooɗee nduuree hakkunde makko e goomu M23 e ardiiɓe lanndaaji keddiiɗi ɗii. Caggal nde hoohooɓe mawɓe ñaawooɓe suɓngooji ñaawi, heddiiɓe salinooɓe ; mbii yo yuurnite. Kono haɗaani nde ɓee njuurnitii ndiwtaani tawtoreede wadd e subngooji. Ɗum sabii fini hakkunde Wadd e lanndaaji luutndiiɗi ; haa yimɓe joyo mbara heen. E oo sahaa M23 woni saliima Wadd e sukaaɓe « Y en Marre » en nana ndadii ko e laabi nii ɓe mbaɗi. E ɓeydude heen hono Yuusu Nduur , Keba Kennde e Abdurahmaan Saar njaɓanaaka. Njilluuji maɓɓe Caggal nde kampaañ woni daawal jonte tati taƴaade yo moni kala yaa ƴamoyaa, ƴeewa yimɓe e leydi ndii ; ɗum fuɗɗii ko aset ñande 5 lewru Feebiriyee gasata ko ñande 24 jamma. Ngam haɓaade Wadd balɗe gadana ɗee lanndaaji ɗii kala ngonnoo ko e diɗal M23 to dingiral Obeliske. Rewi heen ko jaltugol Makki Sal, kadi Mustafaa Ñas rewi heen wiide kañum en alay sago njaha nder leydi. Kono won yiyruɓe ɗum jamfa. E ko fuɗɗi Duudu Ndooy kañum toŋngi haala mum koko faati e no Wadd yeeyiri leydi ndii, bonni booñ Senegaal. Ɗoon Amsata Soh Sidibee ɓeydi heen yo ɗum gas, fotol e jeyiiji ɗii. Hono Juma Jakatee kañum dawani ko ɓe ngalaa golle kañum en e gollooɓe e nder galleeji. Rewi heen Usmaan Tanor Jeŋ. Mbiru lannda Ps e wondiiɓe mum kañum holliri tan ko nguura kaa na muusi, Wadd bonnii leydi ma ɓe tafto ɗum. Baaba mum Kariim Wadd noon wii ko suɓngooji njaraani boom, sibu Senegaalnaaɓe ko kañum njiɗi « huunde kala mi waɗii ɗoo. Kono mami ɓeydu haa teeŋti e jam e nder Kasamaas. » Ɗum ko hade makko wulleede to Welingaraa. Idiriisa Sek kam wii ko bonannde heewi kono gasii haŋkadi sibu ñande 26 feebiriyee faande Wadd kono hoccata paɗe mum yaha. Makki Sal, ɗoon no rewnoo kala ko yimɓe heewɓe ngabbii ɗum. Gila Cees, Luga, Ndar, Lisaa, Podoor, Mataam. Mbate wonaa ɗum sabii haa diɗɗal makko werlaa kaaƴe to diiwaan Sagata. Ɗum fof e wadde noon Maaki wii ko maa hoynu Wadd e yimɓe mum, maa fiimo, liɓa mo hay so o wujjii alaa ko nafata. Hono Seek Bammba Jeey mbiiɗo yo hoohooɓe diine njamiri Wadd yo woppu haŋkadi, sibu kuule e doosɗe leydi ndokkaanimo yamiroore, artii wii ni boom yo suɓtungooji ɗii kaay waɗeede. Ellee ko ɗoon elimaan jaagorɗe hono Suleymaan Ndeene Njaay, mawɗo ɗiɗɗal suɓngooji Wadd waɗnoo “oo kam laaɓii alaa yimɓe, laaɓii suusaa”. Binndol Usmaan Makka Lih, Lewlewal Group Netwoks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN 22/02 Wempeƴere dawrugol duñii, hannde moni kala ko gorko. Mbiruuji sappo e nayi nana ƴama na pooɗondira jappeere leydi Senegaal. Ɗum woni hakkunde : Abdullaay Wadd, Makki Saal, Seek Tijjaan Gaajo, Idiriisa Sek, Mustafaa Ñas, Usmaan Tanoor Jeŋ, Seek Abdullaay Jeey, Amsatu Soh Sidibee, Juma Jakate, Moor Jeŋ, Duudu Ndooy, Ibirahiima Faal, Jibiriil Ngom e Umaar Haasum Jah. Hannde moni kala nana yirloo e nder Senegaal ngam ƴeewde yimɓe.
