LGN 06/05 Yontere sunaare e nder dingiral fuki koyngel Afrik. Jil (Jules) Francois Bokannde, pettoowo fuki meeɗnooɗo won’de “capitaine” kippu Senegaal saŋkiima to Farayse tawii o mo yahra e duuɓi 54 yontere caggal saŋkaare Rashidi Yekini mo Niseriyaa.

Yontere wootere, gayi ɗiɗi mawɗi saŋkiima e dingrial fuki Afrik! Yekini, nawnooɗo araa-raay kawgel fuki afrik e 1994 saŋkii ko aljumaa ɓennuɗo o tawii o mo yahra e duuɓi 48. Ko kaŋko naatnunoo kadi fuki ganndannooɗo Niseriyaa yahde kawgel adunañkoowel fuki 1994.

Kabaaru saŋkaare Yekini suwaa huultude, Mbaroodi fuki Senegal hono Jules Bokannde rewii heen! Jules saŋkii ko to Farayse tawii o mo safroo toon ko juuti.

Nguurndam makko noon waɗiino maande e nafoore haa arti e coftal ɓalli. Ko Jules adii nawde raay e ɓuraa naatnude fukiiji e kala ɓiɗɗo afrik-naajo e kawgel Farayse. Jules saŋkii ko to Farayse caggal ñawu juutɗo, safaara e oppeer.

O woniino e ekipaaji keewɗi ko wayi no Turmay to Belsik, Seraing, Farayse to Metse (Metɗ), Pari (Paris SG), Niis, kañum e Laas. Tuggude 1985 haa 1986 ko kanko wonnoo ɓurnooɗo naatnude fukiiji (23) e nder kawgel, ɗuum ko meeɗaano dañeede e neɗɗo ɓaleejo. Bokannde kadi ardiima ekipu Senegaal ko juuti; o ekkitii kadi heewɓe no fuki fettirtee. Bokannde fuɗɗorii ko e kasaa Spoor. Ko o baawnooɗo fuki, kadi jiɗaaɗo yimɓe o wonnoo.

Usmaan Makka Lih, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom