Lewlewal Group Networks (LGN) ||| kabaruuji Fuuta e Winndere |||
 KODDUWAAR : Kooniŋkooɓe farayse ngartirii Senegaal-naaɓe toobɓe |
| TOSTAAN: Njelaari, kaddungal rewɓe, dewgal waawnere... yeewtere peñcu |
| ROOSO BEECO (SENEGAAL) : Fulɓe aynaaɓe 14 nanngaama |
| Njum: Barnooɗo Aysata Aamadu Dem naatii juuɗe |
| Written by Umaar Tokosel Bah on Wednesday, 09 May 2012 14:14 |
Tuumaaɗo ngoo taƴo e warngo noon, Mammadu Juuf, ina e juuɗe laamu Ndar caggal nde o jaggaa to Muritani e ballal sanndarmaaɓe rewo. Boneeji jiyetenooɗi e nder gure teeru mawɗe ndeɓii haa e reedu fuuta- ɓee ina mbaree, ɓeya ina taƴee.
Kanko Aysatu Aamadu Dem o waraa ko alarba ɓennuɗo oo. Mammadu Juuf e haala sanndarmaaɓe, waawnu mo leldii e mum haa gayni, wari mo, kadi lokkiti gite mum. Aysata umminoo ko Njum Waalo ina fayi wuro mum’en Halwaar. « Ndeen mi kalanaama musiiba, tawi ko yimɓe njiitii gooski ki, ko ndeen min ngari e nokku oo; kono ɗoon tan e yiyde batte nokku, min paamii ko o baraaɗo sabu batte haɓtaade feeñde e nokku he« , e ko kapiteen Sammba Jallo mo Sandarmori Ndar haaldi e Aps. Caggal ɗuum, kanko Kapiteen gardiiɗo Sandarmori Ndar, o yehiino jokkondirde e kooninkooɓe halfinaaɓe keerol leydi ndi, e wonɓe leydi Muritani no kuule njamiri nih ngam falaade barɗo hoore oo so o woodi etaade taccude keerol e no kabaruuji tuumamuya makko kollirnoo. Mammadu Juuf nanngaa ko tawii taccii mayo fayde Muritani. «Jooni min padi ko haa wicit ɓanndu nduu waɗee hade min waɗde hay huunde. » Jaŋngooɓe Njum noon mettinoo e ngoo taƴo e warngo haa ɓe etinooma loppitde Mammadu Juuf e juuɗe sanndarmaaɓe ngam rewnude ɗum sariya boy kono laamu nguu dartinooma no moƴƴi. Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
