Lewlewal Group Networks (LGN) ||| kabaruuji Fuuta e Winndere |||
| Bakkaloriyaa 2012: Kawngel ngel waɗata ko Uut e Okt |
| Kabaruuji |
| Written by Issaga Jalloh on Tuesday, 22 May 2012 20:30 |
Direkteer kawgel Bak hono Baabu Jaham, caggal nde huccondiri e jaayndiyankooɓe hollitii jaargorgal kalfinaangal jannde ummanii ko awde feeje no kawgel ngel waɗiraa no ɓuri moƴƴirde. E ko o wiyi, hikka alla e sago jaqde ndee waylee haa teenti e kawgoñ koñ, sabu wonii jooni lebbi joyi hay gooto janngaani. Ko ɗum saabi haa laamu nguu felliti waɗde bakkaloriyaa oo e daawe ɗiɗi. Hadi mum heen fannu kawngel ngel e ko faati e coftal ɓalli ɗum waɗata ko 10 haa 21 lewru Juin; filo noon waɗata ko ñande 20 Suliyet. Ko faati e bak oo e hoore mum waɗata ko e daawe ɗiɗi. Woni ñande 7 lewru Ut e oktoobar. Mo oktoobar oo suwaa jagganeede ñalawma tawo. « Hay gooto waawaa waɗde kawgoñ laabi ɗiɗi e hitaande wootere e fannu gooto ! Ko mo waɗaani gadanel ngel tan waawi waɗde oktoobar oo. So won koo janngoowo oo waɗi gasnaani, oon alay sago o hollira haa teenti e ko haɗnoomo waɗde mbela maa ko makko yuurnite” e konngol Baabu Jaham. E siftin’de addi ɗum ko filñitooji (tikke) jannginooɓe e kadi waasde faamondirde mum en e laamu Senegaal haa ɗum wuurii no feewi. Hannde won nii jannginooɓe e janngooɓe heewɓe ɓe njahdaani yo kawgoñ koñ mbaɗe sabu hay huunde janngaaka etee hay so dirtinaama nafata. Won hollirɓe laamu Senegaal maa waas heen miliyaaruuji keewɗi so tawii ndee hitaande janngaaka hono ɗum waɗirnoo e hitaande 1988. Kadi e 1997, ndeen bak waɗi ko e lewru Septamburu. Binndol Isaaga Jallo, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
