 NGAY 18/02 E kabaaru mo Seneweb rokki (Almuudo Ngay ina moolii Jabbaaruu), gorko Italinaajo nawii ullundu mum ñaawoore sabu o tuumde ndu yuurnaade mo so o mo leldoo e joom suudu makko. E nder kaayit makko tuumo mo o nawi to ñaawirdu, o wiyi heen ko ullundu nduu ina futtina mo gite kala nde o ummanii leldaade e joom suudu makko haa jooni ɗum addanii mo jippiima ndaɗɗudi.
E nder oon kaayit tuumo kadi, o hollitii ko maalde debbo oo waɗdi e ullundu nduu mbela o mo sikkitii rafi cellal njogoram makko.
Ñaawoowo oo nawii ñaawoore nde to fedde Itali toppitiinde hakke kulloñ kañum e taariindi ngam anndude heen ko laaɓi. E oo sahaa, ñaawoowo oo haɗii ullundu nduu naatde e nder suudu ndu e nder lebbi 3 ngam anndude tigi mbela ko nduun addani mo ronkude timmin’de lelnde makko.
|
|
jokku taro...
|
 Almuugo Ngay: 02/01 Won ko kewi ko haalotaako, woppotaako kono kadi Ngay waawaa selde e haalde ɗum. Diine hannde ina yaaji, leyɗeele juulɗe ina keewi kono ndeke won ko heddii e golle. Wiɗto yaltugno ɗee balɗe hollitii won’de leyɗeele juulɓe bannge fuɗnaange Afrik ina coomi sirlu kaawniiɗo. E nder Internet, lowe ɓurɗe waawde yeeɓeede e nder ɗeen leyɗeele ko situuji waañaare rewɓe wolla nih worɓe (aahaa). Hollitaama e yowitaade e fedde ɓeto situuji adunayankooji fof, e nder lowe 100 ɓurɗe waawde areede e Internet e nder Senegaal, heen 3 ko lowe rewɓe waañiiɓe (xxx...).
Senegaal nawii toon raay kono rewo ari ɗum dow. E nder 100 lowe ɓurɗe yeeɓeede e nder leydi Muritani, heen 5 ko waañaare. Ko ɗum ndeke saabi haa almudɓe nattii paasde jaŋde, cybeeruuji fof ina keewi sukaaɓe e mawɓe. Ko ɗum ndeke maa a taw addi haa baabiraaɓe mbaɗtii daasanaade cyber feccere jemma. Ko ɗum ndeke addi haa yoga e patroŋeeɓe golle mbaɗtii uddaade nder birooji mum waktuuji tawa ngollaani hay ndiga. Ko ɗum ndeka addi haa haaa haaa haaa......welaani limde.
|
|
jokku taro...
|
|
Section: Kabaruuji
|
|
|
Written by Almuudo Ngay on Tuesday, 14 December 2010 21:14
|
 LGN 14/12 Ko Saarel wiynoo ko Ceerno Boobo Ngenndi, ndeke ko goonga sabu ceerno faaydii gali e jabe kurus mum. Ko mbiyɗaa ko?
Eey yoo! Kala gonnooɗo almuudu Ceerno Boobo Ngenndi e nder lowre mbiimi.com, kala jubbatnooɗo heen ganndal diine, yoo nanngu e alla sabu duɗal ɓaaraama, kuɗi kelaama, alluwe peecaama, kaayitaaji ngoorndaama, sabu kalwa ceerno jaabaama.
E nder balɗe ɓennuɗe, ceerno wonnoo ko e kalwa ñaagaade rawhaanuuji en buuɗi kaalis e neema diine, kono maa a taw o fuuji o ñaagii enndu alla e jaangol Colorado heewde. Gila ndeen noon, ceerno ko ko takkii sabu o dañii kume ɗiɗi: heen gootal e facebook, ngala to New York, saare sukuñaaɓe.
|
|
jokku taro...
|
 LGN 22/11 Aloo durwel, gauche-droite, ar mi nawormaa haa Elysee wolla nii haa Palaas d’Alcatrez! ñekkel ko Jaartel, beɗel ko denku dotel; puusan am haa mi ruñnja, walaŋ am ɗoofiima, fereŋ am ɗuggitiima, tottu am palal mi guufoo, weeɗu am jullaare mi marñoo heen; ina weli mi ina ñiklinii mi, ina yettee hah! So mi duƴƴaaki e tulde Euro, mi denkoo e raŋalde Kummba miña. Abdu Juuf wii ɗum mbarass, ATT noddiri ɗum fendere, Sarkosii (yar gosi) wii ɗum petit pagne: bonnataa laawol, ñawlintaa naange.
Caggal duuɓi 42 jaŋde no werlaa ɓuƴirtee e mbeddaaji Farayse fof no woorunoo, baaba Sayku Umaar Bah hortinii durwel mum. Alhajji waasooru tamii taasannde e pofal eeri. Wonaa ɗay, wonaa domo ɗay ɗay; tas yoo tas-tas ko maa ladde yaynoo!!!!
Mi woondirii caapuute Kodooy miñam, Aminata mawni amen, jeewo mo wostaaka ñedude karaw, dañii jam e kisal, sabu jooni hay lamɗam ko baaba Sayku soodoyta.
Miin, Almuudo Ngay hoore am, miɗo yananaa huunde wootere: mo yiɗaa rotere mum ɓoltoo fof yoo reeno weger-ger baaba Sayku bun Umaar Kattaab, sabu mo jokkii e jaŋde ɓuƴngo werlaaji duubi 42, waasataa ɓuƴde maa ɓuƴora heen Moodu mo alaa paas. Mbaɗee e ladde werlaa baaba Sayku nana ara e senngo laawol koy!!!
|
|
jokku taro...
|
|
Section: Kabaruuji -
File Under: Doge & wiɗtooji |
|
|
LGN
